प्रतिनिधिसभा विघटन गर्नु प्रधानमन्त्रीको दायित्व हो : महान्यायाधिवक्ता बडाल

काठमाडौं- महान्यायाधिवक्ता रमेश बडालले प्रतिनिधिसभा विघटन गर्नु प्रधानमन्त्री केपी शर्मा ओलीको दायित्व भएको बताएका छन्। प्रतिनिधि सभा विघटनको मुद्दामा सोमबार सरकारको प्रतिरक्षा बहस गर्दै महान्यायाधिवक्ता बडालले यस्तो जिकिर गरेका हुन्। 

'नयाँ सरकार बन्न नसक्ने भएपछि प्रधानमन्त्रीले प्रतिनिधि सभा विघटन गर्नु भएको हो। यो उहाँको दायित्व पनि हो,' ओली सरकारको बचाउ गर्दै महान्यायाधिवक्ता बडालले भने। 

संविधानको धारा ७६ को उपधारा ३ अन्तर्गतको सरकार प्रतिनिधि सभा विघटन गर्न नपाउने भए त प्रधानमन्त्री केपी शर्मा ओली सदाबहार प्रधानमन्त्री बन्ने उनको जिकिर छ। 'संविधानको धारा ७६ को उपधारा ३ अनुसार बनेकव सरकारले प्रतिनिधि सभा विगटन गर्न पाउँदैन भने नेपाली कांग्रेसका सभापति शेरबहादुर देउवा र प्रधानमन्त्री ओलीको दावी अस्वीकार भएपछि कसले विघटन गर्ने त? विद्वान् मित्रहरूको अनूसार त ३ को प्रधानमन्त्रीले नपाउने हो भने त ओली त सदाबहार प्रधानमन्त्री हुनुभयो नि त। त्यसैले यो विगठन बाध्यकारी हो। बाध्यता हो,' बडालले भने।