पूर्वप्रधानमन्त्रीको इज्जत राष्ट्रपतिले जोगाइदिएको हो : महान्यायाधिवक्ता बडाल

काठमाडौं– महान्यायाधिवक्ता रमेश बडालले कानुन व्यवसायीले राष्ट्रपति र प्रधानमन्त्रीको चरित्र हत्या गरेको तर्क गरेका छन्।

सर्वोच्च अदालतको संवैधानिक इजलासमा प्रतिनिधिसभा विघटनम्बन्धी रिटमा बहस गर्दै उनले रिट निवेदकतर्फका कानुन व्यवसायीले राष्ट्रपति र प्रधानमन्त्रीको चरित्र हत्या गरेको बताएका हुन्।

सोमबार सरकार पक्षको बहसका क्रममा बोल्दै बडालले कुनै कारण र प्रमाण बिना राष्ट्रपति विद्यादेवी भण्डारी र प्रधानमन्त्री केपी ओलीमाथि आक्षेप लगाइएको बताए। ‘बिना प्रमाण राष्ट्रपति र प्रधानमन्त्रीले संविधानविपरीत काम गरे, दुवैको मिलिभगतमा संविधान मिच्ने काम भयो भनियो। वैधानिकता परीक्षण नगरी राष्ट्रपति र प्रधानमन्त्रीलाई आक्षेप लगाउन पाइँदैन,’ बडालले भने।

राष्ट्रपतिले पूर्व प्रधानमन्त्रीहरुको इज्जत जोगाइदिएको तर्क पनि बडालले गरे। प्रधानमन्त्री नियुक्तका लागि केकस्ता प्रमाण पेश गरियो, त्यो सबै हेर्नुपर्ने उनको जिकिर छ। बडालले राष्ट्रपति र प्रधानमन्त्रीलाई जोडेर तर्कबितर्क गर्नु निकै दुखद भएको बताए।

‘एउटै दलका सांसद दुईतिर लाग्न पाइँदैन। कोको हो त्यसो गर्ने, त्यो त राष्ट्रपतिले नै हेर्ने होला नि। दुइटामध्ये एउटालाई त नियुक्त गर्नुपर्ला नि?’ उनले भने। प्रधानमन्त्री नियुक्त गर्ने–नगर्ने अधिकार राष्ट्रपतिकै भएको उनको जिकिर छ। राष्ट्रपति संविधानभन्दा माथि नहुने बताउँदै बडालले राष्ट्रपतिलाई पनि संविधानले नै जन्माएको बताए।

म स्वतन्त्र सांसद हुने कुरा पार्टी एकतासँग जोडिएको छैन बेदुराम भुसाल अन्तर्वार्ता