न्युरोडमा आठ वर्षीया बालिका बलात्कृत, धादिङका सूर्य तामाङ पक्राउ

न्युरोडमा आठ वर्षीया एक बालिका बलात्कृत भएकी छन्। पार्किङ गरेर राखेको गाडीको आडमा बालिका बलात्कृत भएको प्रहरीले जनाएको छ।

नेपाल समय | आइतबार, असार १३, २०७८

नेपाल समय

आइतबार, असार १३, २०७८

काठमाडौं– न्युरोडमा आठ वर्षीया एक बालिका बलात्कृत भएकी छन्। पार्किङ गरेर राखेको गाडीको आडमा बालिका बलात्कृत भएको प्रहरीले जनाएको छ।

घटना शनिबारको हो। काठमाडौं महानगरपालिका–२३ जुद्धशालिक धर्मपथस्थित पुरानो नगरपालिकाको खाली जग्गामा पार्किङ गरेर राखेको गाडीको आडमा शनिबार बालिका बलात्कृत भएको पाइएको छ।

प्रहरी वृत्त जनसेवाबाट खटिएको प्रहरी टोलीले बलात्कार आरोपमा धादिङ धुनिवेशी नगरपालिका–१ घर भएका ३५ वर्षीय सूर्य तामाङलाई पक्राउ गरेको छ। तामाङविरुद्ध जबरजस्ती करणीको कसूरमा म्याद लिएर अनुसन्धान सुरु गरिएको वृत्त जनसेवाले जानकारी दिएको छ।

प्रकाशित: Jun 27, 2021| 08:42 आइतबार, असार १३, २०७८