मेलम्ची बाढीमा परेका २० जना अझै बेपत्ता [नामावलीसहित]

जिल्ला प्रशासन कार्यालय सिन्धुपाल्चोकले बाढीमा हराइरहेकाहरूको विवरण संकलन गर्ने क्रममा २० जना बेपत्ता भएको पाइएको जनाएको छ।

नेपाल समय | शुक्रबार, असार ४, २०७८

नेपाल समय

शुक्रबार, असार ४, २०७८

मेलम्ची बाढीमा परेका २० जना अझै बेपत्ता [नामावलीसहित]

सिन्धुपाल्चोक- मेलम्ची बाढीमा २० जना अझै बेपत्ता छन्। जिल्ला प्रशासन कार्यालय सिन्धुपाल्चोकले बाढीमा हराइरहेकाहरूको विवरण संकलन गर्ने क्रममा २० जना बेपत्ता भएको पाइएको जनाएको छ।

प्रशासनले गएको मंगलबार आएको बाढीमा परेर बेपत्ता भएकाहरूको नामसमेत सार्वजनिक गरिएको छ।

सिन्धुपाल्चोकको हेलम्बु, किउल, चनौटेलगायत क्षेत्रका मानिसहरू पनि बाढीमा परेर हराइरहेका छन्। बेपत्ता भएकाहरूको प्रहरी, सशस्त्र प्रहरी र स्थानीयले खोजी गरिरहेका छन्। बाढीमा फसेका ४ जनाको उद्धार गरिएको छ।

हराउनेहरूमा दुई जना भारतीय नागरिक र एक जना चिनियाँ नागरिकसमेत छन्। उक्त बाढीमा परी तीन जनाको मृत्यु भएको छ। दुई जना चिनियाँ नागरिक र एक जना भारतीय नागरिकको शव भेटिएको हो।