विराटनगरमा थप ६ कोरोना संक्रमितको मृत्यु

विराटनगर – विराटनगरमा उपचाररत थप ६ जना कोरोना संक्रमितको मृत्यु भएको छ।

नोबेल शिक्षण अस्पताल विराटनगर पाँच पुरुषको मृत्यु भएको छ। सिरहाका ६५ वर्षीय वृद्ध पुरुषको बिहान ५ बजेतिर मृत्यु भएको हो। उनलाई उपचारका लागि वैशाख १७ गते अस्पताल भर्ना गरिएको थियो।

सप्तरीको कन्चनपुरका ४५ वर्षीय पुरुषको बिहान ८:४५ बजेतिर मृत्यु भएको जानकारी प्रबन्धक दाहालले दिए। कोरोना संक्रमण पुष्टि भएका उनलाई उपचारका लागि बैशाख ३१ गते अस्पताल भर्ना गरिएको थियो।

विराटनगर–४ का ४५ वर्षीय पुरुषको बिहान ४:२० बजेतिर नोबेलमै मृत्यु भएको छ। कोरोना संक्रमण पुष्टि भएपछि उनलाई उपचारका लागि जेठ १ गते शनिबार अस्पताल भर्ना गरिएको जानकारी दाहालले दिए।

सुनसरीको इनरुवा नगरपालिका–१ का ६२ वर्षीय वृद्ध पुरुषको पनि नोबेलमै उपचारका क्रममा मृत्यु भएको छ। उनलाई उपचारका लागि बैशाख २३ गते अस्पताल भर्ना गरिएको थियो। वृद्धको मृत्यु बिहान ६ बजेतिर भएको दाहालले बताए।

उदयपुर कटारीका ७४ वर्षीय वृद्ध पुरुषको पनि उपचारकै क्रममा मृत्यु भएको छ। दाहालका अनुसार उनको मृत्यु आइतबार राति १०:३० बजेतिर भएको हो। कोरोनाका कारण अवस्था गम्भीर रहेका वृद्धालाई उपचारका लागि बैशाख २५ गते अस्पताल भर्ना गरिएको उनको भनाइ छ। 

कोशी अस्पताल कोभिड–१९ उपचार केन्द्रमा बिहान ३:३० बजे विराटनगर महानगरपालिका–१८ का ५५ वर्षीय पुरुषको मृत्यु भएको सूचना अधिकारी अनुपम राजवंशीले बताए।