बुटवल– कोरोना संक्रमित बिरामीको मृत्यु हुने क्रम रोकिएको छैन। रुपन्देहीमा थप तीन जना संक्रमितको मृत्यु भएको छ।
लुम्बिनी प्रादेशिक अस्पतालको आकस्मिक कक्षमा दुुई र बुुटवल धागो कारखानामा एक जनाको मृत्यु भएको अस्पतालका सूूचना अधिकारी डा. विष्णुु गौतमले जानकारी दिए।
कोरोना विशेष अस्पताल आईसीयूमा उपचाररत बुटवल तामनगरका ६५ वर्षीय पुरुषको बिहीबार राति १ बजे मृत्यु भएको हो भने वैशाख २२ गते अस्पतालको इमर्जेन्सीमा भर्ना भएका तिलोत्तमा १ का ४३ वर्षीय पुरुषको शुक्रबार बिहान २ः२१ मा र वैशाख १९ गतेदेखि अस्पतालको इमर्जेन्सीमै उपचाररत तिलोत्तमा १ की महिलाको बिहान ५ बजे मृत्यु भएको अस्पतालले जनाएको छ।
योसँगै रुपन्देहीमा कोरोना संक्रमणबाट मृत्यु हुनेको संख्या २४५ पुगेको स्वास्थ्य कार्यालय रुपन्देहीले जनाएको छ।
प्रकाशित: May 07, 2021| 06:23 शुक्रबार, वैशाख २४, २०७८
