जनकपुरधाम- धनुषाको सबैला नगरपालिकामा सडक विस्तारका विषयमा झडप हुँदा एक दर्जन व्यक्ति घाइते भएका छन्।
सबैला नगरपालिका वडा नम्बर ४ पटेर्वामा दुई पक्षबीच झडप भएपछि दुवै पक्षका व्यक्ति घाइते भएका हुन्। सडक विस्तारका विषयमा विवाद हुँदा झडप भएको जिल्ला प्रहरी कार्यालय धनुषाका प्रवक्ता प्रहरी नायव उपरिक्षक मकेन्द्र कुमार मिश्रले जानकारी दिए। उनका अनुसार एक दर्जन व्यक्ति घाइते भएका छन्।
सडक विस्तारको विवादले झगडाको रुप लिएपछि कुटाकुटसम्मको स्थिति आएको उनले बताए। घाइतेहरुको नाम भने खुल्न सकेको छैन। घाइते भएकाहरुलाई उपचारका लागि प्रादेशिक अस्पताल जनकपुरधाममा उपचार ल्याइएको छ।
घटनामा संलग्न एक जनालाई पक्राउ गरिएको डिएसपी मिश्रले जानकारी दिए। घटनाको विस्तृत विवरण आउन सकेको छैन।
प्रकाशित: May 06, 2021| 14:52 बिहीबार, वैशाख २३, २०७८
