काठमाडौं- नेपाली कांग्रेसका सभापति शेरबहादुर देउवा र नेकपा एमालेका नेता माधवकुमार नेपालबीचको भेटवार्ता सकिएको छ।
देउवा निवास बुढानिलकण्ठमा दुई नेताहबीच करिब एक घन्टा लामो छलफल भएको हो।
देउवा निकट स्रोतका अनुसार दुई जना नेताबीच प्रधानमन्त्री केपी ओलीका पक्षमा विश्वासको मत पुग्न नदिने विषयमा छलफल भएको छ।
प्रधानमन्त्री ओलीले वैशाख २७ गते बस्ने प्रतिनिधिसभाको बैठकमा विश्वासको मत लिदै छन्।
यसअघि हिजो देउवालाई भेट्न प्रधानमन्त्री एवं एमाले अध्यक्ष ओलीसहितका नेताहरु पुगेका थिए। ओलीले विश्वासको मत लिन लागेपछि दलहरुबीचको भेटवार्ता तीव्र बनेको छ।
भेटमा माधव नेपाल निकट नेता भीम रावल पनि सहभागी थिए।
भेटपछि नेता नेपाल बुढानिलकण्ठबाट सोझै राष्ट्रपति कार्यालय शितल निवास पुगेका छन्।
प्रकाशित: May 06, 2021| 14:27 बिहीबार, वैशाख २३, २०७८
