पर्सा– पर्सामा पछिल्लो २४ घण्टामा पाँच जना संक्रमितको मृत्यु भएको छ। उनीहरुको उपचारका क्रममा निधन भएको हो।
वीरगन्जको नारायणी अस्पतालमा उपचाररत पर्साका दुई र रौतहटका तीन जनाको मृत्यु भएको अस्पतालले जनाएको छ।
मृत्यु हुनेमा पर्साको वीरगन्ज महानगरपालिका–४ का ७० वर्षीय पुरुष र जगरनाथपुर गाउँपालिका–८ का ५५ वर्षीय पुरुष छन्। कोरोना संक्रमित दुवैलाई गम्भीर प्रकारको निमुनियाले सताएको अस्पतालका कोभिड संयोजक डा. सरोज रोसन दासले बताए।
यसैगरी रौतहटका तीन संक्रमितको उपचारका क्रममा नारायणी अस्पतालमा मृत्यु भएको छ। मृत्यु हुनेमा गौर नगरपालिका–२ का ५४ वर्षीय पुरुष, विजयपुर नगरपालिकाका ४५ वर्षीय पुरुष, त्यसैगरी फत्तेपुर नगरपालिका–६ की ६० वर्षीया महिलाको उपचारका क्रममा मृत्यु भएको अस्पतालले जनाएको छ।
प्रकाशित: May 06, 2021| 08:08 बिहीबार, वैशाख २३, २०७८
