बालुवाटारमा एमाले स्थायी कमिटी बैठक सुरु

काठमाडौं– सत्तासीन नेकपा एमाले स्थायी कमिटी बैठक सुरु भएको छ। बैठक प्रधानमन्त्री निवास बालुवाटारमा केही बेरअघि सुरु भएको हो। 

स्थायी कमिटी सदस्य सुवासचन्द्र नेम्वाङले  बागमती प्रदेशमा हुने राष्ट्रिय सभा सदस्यको उपनिर्वाचन तथा लुम्बिनी हुने निर्वाचनमा पार्टीका तर्फबाट उम्मेदवारको टुंगो लगाउन बैठक बस्न लागेको जानकारी दिए। जेठ ६ गते बागमती प्रदेशमा उपनिर्वाचन हुँदै छ।

बैठकमा प्रधानमन्त्री ओलीले संसद्मा लिन लागेको विश्वासको मतबारे पनि छलफल हुनेछ। प्रधानमन्त्रीले विश्वासको मत लिनका लागि २७ गते संसद् बैठक डाएिको छ।

यसअघि वैशाख १० गतेको केन्द्रीय कमिटी बैठकमा प्रधानमन्त्री एवं एमाले अध्यक्ष केपी शर्मा ओलिले उक्त उपनिर्वाचनमा एमालेका तर्फबाट रामबहादुर थापा बादल नै उम्मेदवार हुने बताएका थिए। आजको बैठकले औपचारिक निर्णय गर्ने बताइएको छ। 

यस्तै लुम्बिनी प्रदेशमा हुने उपनिर्वाचनको पनि मिति तोकिएकोले त्यहाँको उम्मेदवारको पनि आजको बैठकले नै टुंगो लगाउने बुझिएको छ। 

नेता नेम्बाङले यसका साथै पछिल्लो राजनीति घटनाक्रम र कोभिड १९ को रोकथाम र नियन्त्रणका विषयमा चाल्नुपर्ने थप प्रभावकारी कदमका बारेमा पनि बैठकमा छलफल हुने बताए।