कठमाडौं– औषधि व्यवस्था विभागले कोरोनाविरुद्धको खोप कोभिसिल्ड र कोभ्याक्सिन नेपाल भित्र्याउन दुई निजी कम्पनीलाई आयात अनुमति दिएको छ।
सिरम इन्स्टिच्युट अफ इन्डियाले उत्पादन गरेको कोभिसिल्ड खोप ल्याउन हुकम डिस्ट्रिव्युटर्स प्रालि र भारत बायोन्टेकबाट उत्पादित कोभ्याक्सिन खोप ल्याउन इमराल्ड फर्मालाई आयात अनुमति दिइएको हो।
विभागका प्रवक्ता सन्तोष केसीले यसअघि आकस्मिक प्रयोगका लागि अनुमति दिइएको खोप ल्याउनका लागि निजी दुई कम्पनीलाई अनुमति दिइएको बताए। आयातकर्ता कम्पनीले सबै सेवा सुविधासहित १० प्रतिशत भन्दा बढी मुनाफा लिन नपाउने उनले बताए।
प्रकाशित: May 06, 2021| 03:32 बिहीबार, वैशाख २३, २०७८
