सुर्खेत - सुर्खेतमा लागूऔषध (ब्राउनसुगर) सहित दुई जना पक्राउ परेका छन्। पक्राउ पर्नेमा दैलेखको डुङ्गेश्वर गाउँपालिका– ७ का हिमाल आलेमगर र वीरेन्द्रनगर–४ सुर्खेतका धिरज खत्री छन्।
उनीहरूको साथबाट ४ ग्रामबराबरको ४१ पुडिया लागूऔषध नियन्त्रणमा लिइएको जिल्ला प्रहरी कार्यालय सुर्खेतले जनाएको छ।
दुबै जनालाई बुधबार साँझ पक्राउ गरिएको हो। उनीहरूसँग लागुऔषध रहेको विशेष सूचनाका आधारमा लागुऔषध नियन्त्रण ब्यूरो र जिल्ला प्रहरी कार्यालय सुर्खेतको टोलिले वीरेन्द्रनगरको नयाँ बसपार्कबाट पक्राउ गरेको सुर्खेतका डीएसपी रामप्रसाद घर्तीमगरले बताए।
प्रकाशित: May 06, 2021| 00:48 बिहीबार, वैशाख २३, २०७८
