काठमाडौं- जिल्ला प्रशासन कार्यालय काठमाडौंले ह्याम्स अस्पताल र काठमाडौं मेडिकल कलेज (केएमसी) लाई स्पष्टीकरण सोधेको छ।
कोरोना संक्रमितको उपचारका लागि सरकारले तोकेकोभन्दा बढी शुल्क लिएको जानकारी आएकाले स्पष्टीकरण सोधिएको काठमाडौंका प्रमुख जिल्ला अधिकारी कालीप्रसाद पराजुलीले बताए।
‘हामीले अस्पतालसँग लिखित र मौखिक स्पष्टिकरण सोधेका छौं। उहाँहरूको जवाफ आइसकेपछि स्वास्थ्य मन्त्रालयसँग समन्वय गरेर दोषी पाइए कारबाही गरिने छ’, नेपालसमयसँग कुरा गर्दै उनले भने।
कोरोना भाइरसका बिरामीसँग बढी शुल्क लिएको गुनासो आएपछि मन्त्रालयले कारबाहीको चेतावनी दिएको हो।
यसअघि स्वास्थ्य मन्त्रालयले पनि विज्ञप्ति जारी गर्दै बढी शुल्क लिए कारबाही गर्ने चेतावनी दिइसकेको छ।
प्रकाशित: May 05, 2021| 13:01 बुधबार, वैशाख २२, २०७८
