काठमाडौं– प्रधानमन्त्री तथा नेकपा (एमाले) का अध्यक्ष केपी ओलीसहित एमालेका शीर्ष नेताहरु नेपाली कांग्रेसका सभापति शेरबहादुर देउवालाई भेट्न उनको निवास बूढानीलकण्ठ पुगेका छन्।
परिवर्तित राजनीतिक अवस्थाको बारेमा छलफल गर्न प्रधानमन्त्री ओली पार्टीका नेताहरुलाई लिएर बूढानीलकण्ठ पुगेका हुन्। ओलीसँग एमाले महासचिव ईश्वर पोखरेल, विष्णु पौडेल, रामबहादुर थापा तथा सुवास नेम्वाङ पनि बूढानीलकण्ठ पुगेका छन्।
कांग्रेसको तर्फबाट देउवासहित वरिष्ठ नेता रामचन्द्र पौडेल, सहमहामन्त्री डा. प्रकाशशरण महतलगायत सहभागी छन्। एमाले र कांग्रेसका नेताहरुबीच वार्ता जारी छ।
प्रकाशित: May 05, 2021| 10:49 बुधबार, वैशाख २२, २०७८
