काठमाडौं- गत २४ घण्टामा मात्र ८ हजार ६५९ जनामा संक्रमण पुष्टि भएको छ। यो संख्या हालसम्मको उच्च हो।
स्वास्थ्य तथा जनसंख्या मन्त्रालयका अनुसार २० हजार ७५६जनाको पीसीआर र ६१० जनाको एन्टिजेन परीक्षण भएकोमा ८ हजार ६५९ जनालाई संक्रमण पुष्टि भएको हो।
जसमध्ये ८ हजार ६०५ जनाको पीसीआर परीक्षणमा संक्रमण पुष्टि भएको हो भने ५४ जनाको एन्टिजेन पोजेटिभ देखिएको मन्त्रालयले जनाएको छ।
पछिल्लो २४ घण्टामा ५८ जना संक्रमितको मृत्यु भएको स्वास्थ्य मन्त्रालयको तथ्यांक छ। एकैदिनमा ५८ जनाको मृत्यु भएको हालसम्मकै उच्च हो।
हाल सक्रिय संक्रमितको संख्या ६६ हजार ३५२ रहेको छ। त्यस्तै पछिल्लो २४ घण्टामा संक्रमणमुक्त हुनेको संख्या १ हजार ९९३ रहेको छ।
प्रकाशित: May 05, 2021| 10:50 बुधबार, वैशाख २२, २०७८
