काठमाडौं - अखिल नेपाल फुटबल संघ (एन्फा)ले दुई वर्ष अघिबाट मनाउँदै आएको एन्फा डे यो वर्ष पनि नमनाउने निर्णय गरेको छ। उसले कोभिड-१९ को महामारीका कारण आज (वैशाख २२) गते परेको एन्फा डे नमनाउने निधो गरेको हो।
एन्फाले आज एक सूचना जारी गर्दै लेखेको छ, ‘हाल देशमा कोभिड-१९ का कारण उत्पन्न प्रतिकूल अवस्थाका कारण एन्फा डेको अवसरमा आयोजना गर्ने भनिएको सबै पूर्वनिर्धारित कार्यक्रम यो वर्षलाई स्थगित गरिएको छ।’
साथै प्रवक्ता किरण राईको हस्ताक्षरसहितको विज्ञप्तिमा सबैलाई सरकारले जारीको गरेको मापदण्ड पालना गर्दै महामारीबाट सजग रहन अनुरोध गरेको छ।
गत वर्ष पनि कोभिड-१९ को महामारीका कारण एन्फा डेको कार्यक्रम स्थगित गरिएको थियो।
प्रकाशित: May 05, 2021| 07:36 बुधबार, वैशाख २२, २०७८
