विराटनगर – नोवेल शिक्षण अस्पताल विराटनगरमा दुई कोरोना संक्रमितको मृत्यु भएको छ। मृत्यु हुने दुवै जना मोरङका हुन्।
सुन्दरहरैँचा नगरपालिका–७ का ५४ वर्षीय पुरुषको बिहान ८:१५ बजेतिर मृत्यु भएको छ। उनलाई उपचारका लागि मंगलबार राति १२ बजेतिर अस्पताल भर्ना गरिएको थियो।
उपचारका लागि भर्ना गरिएको आठ घण्टामै उनको मृत्यु भएको हो। मृतकको घाँटीमा क्यान्सरको समस्या रहेको नोवेल अस्पतालका प्रवन्धक नारायणप्रसाद दाहालले जानकारी दिए।
विराटनगर महानगरपालिका–१२ घर भएका ६७ वर्षीय वृद्ध पुरुषको विहान ५ वजे मृत्यु भएको छ। मृतकमा स्वास्थ्य सम्बन्धी पुरानो समस्या केही पनि नभएको दाहालले बताए। दुवै मृतकको शव व्यवस्थापनका लागि पहल भइरहेको जानकारी उनले दिए।
प्रकाशित: May 05, 2021| 07:24 बुधबार, वैशाख २२, २०७८
