विराटनगर – सुनसरीको इटहरीमा गाडीको ठक्करबाट प्रहरी जवानको मृत्यु भएको छ।
इटहरी उपमहानगरपालिका–६ मा मंगलबार राति को १ च ७८१६ नम्बरको पिकअप गाडीले को २० प ४६८३ नम्बरको मोटरसाइकललाई ठक्कर दिँदा ३३ वर्षीय कमलबहादुर खड्काको मृत्यु भएको हो।
सुनसरी प्रहरी प्रवक्ता डीएसपी नरेन्द्र कार्कीका अनुसार इलाका प्रहरी कार्यालय चिमडीमा कार्यरत खड्काको घर झापाको कचनकवल गाउँपालिका–६ हो।
दुवै सवारीसाधन र गाडी चालक तेह्रथुम लालीगुराँस नगरपालिका–६ का ४६ वर्षीय भगतबहादुर लिम्बूलाई नियन्त्रणमा लिएर अनुसन्धान थालिएको डीएसपी कार्कीले बताए।
प्रकाशित: May 05, 2021| 04:46 बुधबार, वैशाख २२, २०७८
