जनकपुरधाम– प्रदेश २ मा थप ३ सय २३ जनामा कोरोना संक्रमण पुष्टि भएको छ । यससँगै प्रदेशमा सक्रिय संक्रमितको संख्या ३ हजार ४ सय ९५ पुगेको स्वास्थ्य निर्देशनालय प्रदेश २ का वरिष्ठ चिकित्सक डा. कमलेश प्रसाद यादवले जानकारी दिए ।
मंगलबार प्रादेशिक जनस्वास्थ्य प्रयोगशाला, गजेन्द्र नारायण सिंह सगरमाथा अस्पताल, सिरहा पिसिआर ल्याब र नारायणी अस्पताल वीरगंजमा गरिएको परीक्षणमा ९६ महिला सहित ३ सय २३ जनामा कोरोना संक्रमण पुष्टि भएको स्वास्थ्य निर्देशनालयले जनाएको छ ।
मंगलबार पर्सामा ८७, धनुषामा ८०, महोत्तरीमा ४१, सप्तरीमा ४०, सिरहामा ३८, बारामा २४, रौतहटमा ४, सर्लाहीमा ३ र अन्य प्रदेशका ६ जनामा कोरोना संक्रमण पुष्टि भएको स्वास्थ्य निर्देशनालयले जनाएको छ । यस सँगै प्रदेशमा कोरोना संक्रमितको संख्या २० हजार ७ सय ६० पुगेको छ ।
प्रकाशित: May 04, 2021| 14:23 मंगलबार, वैशाख २१, २०७८
