काठमाडौं– कोरोना संक्रमितको संख्या बढेसँगै नेपालमा आईसीयू र भेन्टिलेटरमा भर्ना हुने बिरामीको संख्या पनि बढ्दै गएको छ।
स्वास्थ्य तथा जनसंख्या मन्त्रालयको तथ्यांकअनुसार मंगलबार ६१६ जना आईसीयू र १७९ जना भेन्टिलेटरमा गरी ७९५ जना बिरामी उपचाररत छन्।
सबैभन्दा धेरै बागमती प्रदेशमा ३२५ जना आईसीयूमा र १२४ जना भेन्टिलेटरमा छन्।
प्रदेश १ मा ९३ जना आईसीयूमा र १८ जना भेन्टिलेटरमा, प्रदेश २ मा २४ जना आईसीयूमा र २ जना भेन्टिलेटरमा छन्।
गण्डकी प्रदेशमा ४४ जना आईसीयूमा र २ जना भेन्टिलेटरमा, लुम्बिनी प्रदेशमा ६९ जना आईसीयूमा र १६ जना भेन्टिलेटरमा, कर्णालीमा ३२ जना आईसीयूमा र ७ जना भेन्टिलेटरमा र सुदूरपश्चिम प्रदेशमा २९ जना आईसीयूमा र १० जना भेन्टिलेटरमा रहेको मन्त्रालयले जनाएको छ।
प्रकाशित: May 04, 2021| 12:06 मंगलबार, वैशाख २१, २०७८
