बुटवल– कोरोना संक्रमित बिरामीका लागि बुटवल उपमहानगरपालिकाले अक्सिजन सेवा सुरु गरेको छ। उपमहानगरले बनाएका आइसोलेसन, होटल आइसोलेसन तथा घरमा आइसोलेट भएका संक्रमितलाई श्वगासप्रश्वासमा समस्या भएमा तत्काल स्वास्थ्यकर्मीसहितको टोली पुग्ने व्यवस्था गरिएको छ।
नगरप्रमुख शिवराज सुवेदीले मंगलबार अक्सिजन सेवा बैंकको शुभारम्भ गर्दै अब कोरोना संक्रमितले राहत पाउने दाबी गरे। कार्यालय परिसरमा अक्सिजन सिलिन्डर, सिलिन्डर बोक्ने गाडी, एम्बुलेन्स र स्वास्थ्यकर्मीलाई तम्तयारी अवस्थामा राखिएको उनले बताए।
आइसोलेसनबाट सूचना आउनासाथ परिचालन हुने गरी जनशक्ति तयारी अवस्थामा राखिएको प्रमुख सुवेदीले जानकारी दिए।
प्रकाशित: May 04, 2021| 10:23 मंगलबार, वैशाख २१, २०७८
