पोखरा– गण्डकी प्रदेशका ६ जिल्लामा एकैदिन २१२ कोरोना संक्रमित भेटिएका छन्। तीमध्ये सबैभन्दा धेरै कास्कीको पोखरा महानगरपालिकामा छन्। प्रदेश स्वास्थ्य निर्देशनालयका अनुसार पोखरा महानगरपालिकामा १४४ जना संक्रमितको पहिचान खुलेको छ।
यसैगरी नवलपरासी पूर्वमा ५१ जना कोरोना संक्रमित भेटिएको प्रदेश स्वास्थ्य निर्देशक डा. विनोदविन्दु शर्माले जानकारी दिए। कोरोना संक्रमित भेटिएका अन्य जिल्लामा वागलुङ स्याङ्जा, लमजङ् र तनहुँ छन्।
यसैगरी कोभिड–१९ का कारण म्याग्दीका एक पुरुषको पोखरामा मृत्यु भएको छ। म्याग्दीको मंगला गाउँपालिका–६ का ७६ वर्षीय पुरुषको चरक अस्पतालमा उपचारको क्रममा निधन भएको डा. शर्माले बताए। उनलाई वैशाख १७ गते कोरोना संक्रमण पुष्टि भएको थियो।
प्रकाशित: May 04, 2021| 07:52 मंगलबार, वैशाख २१, २०७८
