बुटवल - रुपन्देहीको बुटवलमा रहेको कोरोना विशेष अस्थायी अस्पतालमा एक कोरोना संक्रमितको मृत्यु भएको छ। कपिलवस्तुको वाणगंगा नगरपालिका–७ का ३९ वर्षीय पुरुषको उपचारका क्रममा मृत्यु भएको लुम्बिनी प्रादेशिक अस्पतालका सूचना अधिकारी डा. विष्णु गौतमले जानकारी दिए।
पुरुषमा ज्वरो र श्वासप्रश्वासमा समस्या आएपछि बिहान ५ बजेर ४० मिनेटमा मृत्यु भएको अस्पतालले जनाएको छ। वैशाख १७ गते कोरोना पोजिटिभ देखिएर अस्पताल भर्ना भएका थिए।
प्रकाशित: May 04, 2021| 07:08 मंगलबार, वैशाख २१, २०७८
