उपत्यकाका सीडीओको बैठक, के होला निर्णय?

काठमाडौं - कोरोना रोकथाम तथा नियन्त्रणबारे थप निर्णय गर्न काठमाडौं उपत्यकाका प्रमुख जिल्ला अधिकारी (सीडीओ) हरूको बैठक बस्ने भएको छ। 

जिल्ला प्रशासन कार्यालय काठमाडौंमा आज आगामी रणानीतिका विषयमा आफूहरूबीच छलफल हुने काठमाडौंका सीडीओ कालीप्रसाद पराजुलीले नेपाल समयलाई बताए। उनले अहिले स्वास्थ्य मन्त्रालयसँग छलफल भइरहेको र त्यस लगत्तै आफूहरूबीच छलफल हुने बताए।

बैठकमा पहिलो चरणमा जारी गरिएको निषेधाज्ञाको समीक्षाका साथै आगामी दिनमा कसरी अगाडि बढ्ने भन्ने विषयमा छलफल हुने उनले बताए। 

उपत्यकामा कोरोनाको संक्रमणदर तीव्र बनेपछि गत वैशाख १६ गतेदेखि बुधबार मध्यरातसम्म लागू हुनेगरी निषेधाज्ञा जारी गरिएको छ भने अब फेरि एक साता समय थप गर्ने तयारी भएको छ। 

उता ललितपुरका सीडीओ ढुण्डीप्रसाद निरौलालाई कोरोना संक्रमण भएको छ। उनलाई संक्रमण भएपछि जुममार्फत बैठकमा सहभागी हुने छन्।