धनगढी - सेती प्रादेशिक अस्पताललाई अक्सिजन सिलिण्डर सहयोग गरिएको छ। धनगढी उप-–महानगरपालिका र गोदावरी नगरपालिका क्षेत्रमा रहेका अटो वर्कसपले अस्पताललाई अक्सिजन सिलिण्डर सहयोग गरेका हुन्।
अस्पतालमा उपचाररत कोरोना संक्रमितले अक्सिजन अभावमा ज्यान गुमाउन नपरोस् भनेर धनगढीस्थित शिवाङ्ग ट्रेडर्सका सञ्चालक विवेक शर्माको पहलमा अटो वर्क सपबाट अक्सिजन सिलिण्डर संकलन गरिएको थियो।
१६ वटा वर्क सपबाट संकलित १४ खाली र चार भरिएको अक्सिजन सिलिण्डर पछि फिर्ता लिने गरी अस्पताललाई सहयोग गरिएको शर्माले बताए।
यसअघि सेती प्रादेशिक अस्पतालले खाली सिलिण्डर भएको खण्डमा सहयोगका लागि सार्वजनिक अपिल गरेको थियो।
प्रकाशित: May 04, 2021| 06:25 मंगलबार, वैशाख २१, २०७८
