सुर्खेत - हिमाली जिल्ला डोल्पा र हुम्लामा आज रातिदेखि निषेध आदेश लागू हुने भएको छ।
जिल्लामा कोरोना संक्रमण बढ्न थालेपछि निषेध आदेश जारी गरिएको हो। हुम्लामा २१ गते राति १२ बजेदेखि २८ गते राति १२ बजेसम्म र डोल्पामा २१ गतेराती १२ बजेदेखि ३१ गते राति १२ बजेसम्म निषेध आदेश लागू हुने छ।
सोमबार प्रमुख जिल्ला अधिकारीहरूले जारी गरेको सूचना अनुसार निषेध आदेश जिल्लाभर नै लागू हुने छ। हाल डोल्पामा २२ र हुम्लामा ८ जना सक्रिय संक्रमित छन्।
प्रकाशित: May 04, 2021| 03:54 मंगलबार, वैशाख २१, २०७८
