काठमाडौं- वातावरणविद् सूर्यमान शाक्यको निधन भएको छ। सोमबार बिहान उनको निधन भएको हो।
नेपालको पहिलो वितावरणीय इन्जिनियर शाक्यले वातावरण संरक्षणको क्षेत्रमा उल्लेख्य योगदान गरेका थिए। शाक्यले ०४६ सालको प्रजातन्त्र पुर्नबहालीपछिको निर्वाचित सरकारले गठन गरेको उच्चस्तरीय वातावरणीय समितिमा रहेर वातावरण संरक्षणको खाका कोर्ने कामको नेतृत्व गरेका थिए।
फोहोर मैला व्यवस्थापन समितिको अध्यक्षसमेत रहेका शाक्यले नुवाकोटको ओखरपौवालाई ल्यान्ड फिलिङ साइटका रुपमा कार्यान्वयन गरेका थिए।
शाक्यले वातावरणीय इन्जिनियरिङ विषयको अध्यापन गर्दै आएका थिए। नेपाल वातावरण पत्रकार समूहका सदस्य शाक्य रोटरी क्लबमा पनि आवद्ध थिए।
शाक्यका श्रीमती, दुई छोरा र एक छोरी छन्।
प्रकाशित: May 03, 2021| 12:54 सोमबार, वैशाख २०, २०७८
