काठमाडौं– सरकारले कोरोना संक्रमितका बिरामीको उपचारका लागि बाहेक अन्य क्षेत्रमा अक्सिजनको प्रयोग गर्न प्रतिबन्ध लगाएको छ।
प्रधानमन्त्री केपी शर्मा ओलीले सोमबार देशवासीका नाममा सम्बोधन गर्दै अक्सिजनको प्रयोग कोरोना भाइरसबाट संक्रमित बिरामीका लागि मात्र गरिने बताएका हुन्।
देशभरका अक्सिजन प्लान्टबाट उत्पादित अस्पतालमा बिरामीका उपचारका लागि मात्र प्रयोग गरिने उनले बताए। उनले भने, ‘ठूला मेडिकल र अस्पतालमा अक्सिजन प्लान्टको स्थापना गरिनेछ। यसरी उत्पादन अक्सिजन अन्य क्षेत्रमा आपूर्ति गर्न प्रतिबन्ध लगाइएको छ।’ उनले सञ्चालनमा नआएका प्लान्ट मर्मत गरी सञ्चालनमा ल्याइने बताए।
ओलीले लिक्विड अक्सिजनको अवैध निर्यात गर्नेमाथि कारबाही गरिने बताए।
प्रकाशित: May 03, 2021| 10:10 सोमबार, वैशाख २०, २०७८
