पोखरा - नवलपरासी पूर्वका विभिन्न पालिकामा पछिल्लो २४ घण्टामा ३९ जनामा कोरोना संक्रमण पुष्टि भएको छ। प्रदेश जनस्वास्थ्य निर्देशनालयका अनुसार मध्यविन्दु जिल्ला अस्पतालको प्रयोगशालामा गरिएको परीक्षणमा उनीहरूमा संक्रमण पुष्टि भएको हो।
संक्रमितहरू २१ देखि ८५ वर्ष उमेर समूहका रहेको प्रदेश स्वास्थ्य निर्देशक डा. विनोदविन्दु शर्माले जानकारी दिए। उनका अनुसार संक्रमतिलाई आईसोलेसनमा राख्ने तयारी भइरहेको छ।
निर्देशनालयको पछिल्लो तथ्यांक अनुसार गण्डकी प्रदेशमा १९ हजार २ सय २१ मध्ये २ हजार ४३ सक्रिय संक्रमति रहेका छन्। हालसम्म २ सय ३२ संक्रमितको मृत्यु भइसकेको छ। गण्डकीमा आइतबार मात्रै ८ जनाले ज्यान गुमाएका थिए।
प्रकाशित: May 03, 2021| 07:24 सोमबार, वैशाख २०, २०७८
