काठमाडौं- आगामी केही दिन देशका केही भूभागमा मौसम बदली भई चट्याङ, हावाहुरी र असिना पानी पर्न सक्ने भन्दै जल तथा मौसम विज्ञान विभागले सतर्कता अपनाउन आग्रह गरेको छ।
आइतबार साँझ ६ बजे विशेष मौसम बुलेटिन जारी गर्दै विभागले अबका ४-५ दिन देशभर पश्चिमी न्यून चापीय प्रणाली तथा बंगालको खाडीबाट प्रवाह हुने जल वाष्पयुक्त हावाको प्रभाव रहने बताएको छ।
देशका धेरै स्थानमा सामान्यदेखि पूर्ण बदली रही हल्कादेखि मध्यम वर्षा र १–२ स्थानमा भारी वर्षाको समेत सम्भावना रहेको विभागले जनाएको छ। यो सिजनमा मेघ गर्जन, चट्याङ, हावाहुरी र असिना पानीको समेत सम्भावना रहेकोले आवश्यक सतर्कता अपनाउन विभागले अनुरोध गरेको छ।
प्रकाशित: May 02, 2021| 13:21 आइतबार, वैशाख १९, २०७८
