काठमाडौं- मन्त्रिपरिषद् बैठकले वैशाख २७ गते संसद्को वर्षे अधिवेशन बोलाउन सिफारिस गर्ने निर्णय गरेको छ।
आइतबार प्रधानमन्त्री निवास बालुवाटारमा बसेको बैठकले वैशाख २७ मा अधिवेशन बोलाउन राष्ट्रपतिलाई सिफारिस गर्ने निर्णय भएको एक मन्त्रीले जानकारी दिए।
बैठकमा प्रधानमन्त्री ओलीले संसदमा विश्वासको मत लिने तयारीसमेत गरेको जानकारी गराएका थिए। उक्त जानकारी गराएर प्रधानमन्त्री ओली राष्ट्रपति विद्यादेवी भण्डारीसँग भेटका लागि शीतलनिवास पुगेका छन्।
आइतबारै नेकपा एमालेको स्थायी कमिटी बैठक सकेर प्रधानमन्त्री ओली शीतल निवास पुगेका थिए।
प्रकाशित: May 02, 2021| 13:02 आइतबार, वैशाख १९, २०७८
