काठमाडौं - देशमा पश्चिमी वायु र स्थानीय वायु सक्रिय हुँदा वर्षा भइरहेको छ। मौसम पूर्वानुमान महाशाखाका अनुसार हाल देशभर पहाडी भूभागमा आंशिकदेखि सामान्य बदली भइरहेको हो।
वागमती प्रदेश, गण्डकी प्रदेश र कर्णाली प्रदेशलगायत देशका पहाडी भूभागका केही स्थानमा मेघगर्जन/चट्याङ्ग/ हावाहुरीसहित वर्षा भइरहेको महाशाखाले जनाएको छ। आज दिनभर नै देशका पहाडी भूभागमा सामान्य बदली र अन्य भूभागमा आंशिक बदली रहने मौसम पूर्वानुमान गरिएको छ।
यस्तै वागमती र गण्डकी प्रदेशलगायत अन्य पहाडी भूभागका केही स्थानमा मेघगर्जन/चट्याङ्ग/हावाहुरीसहित वर्षाको सम्भावना छ।
महाशाखाले जारी गरेको बुलेटिनमा आगामी तीन दिनसम्म मौसम सक्रिय रहने उल्लेख छ।
प्रकाशित: May 02, 2021| 01:17 आइतबार, वैशाख १९, २०७८
