शुक्रबारदेखि सुनसरीमा निषेध आदेश

सुनसरी- सुनसरीमा शुक्रबार राती १२ बजेदेखि  लागू हुने गरी निषेध आदेश जारी जारी गरिएको छ। बिहीबारको जिल्ला क्राइसिस म्यानेजमेन्ट सेन्टर (डीसीसीएमसी) को बैठकले वैैशाख १७ गते राति १२ बजेदेखि एक साताका लागि निषेध आदेश जारी गर्ने निर्णय गरेको हो। 

निषेध आदेश वैशाख २४ गते राती १२ बजेसम्म लागू गर्ने बैठकले निर्णय गरेको हो। 

निषेध आदेश लागू भएको अवधिमा औषधि खाद्यवस्तु तथा अन्य अत्यावश्यक उपभाग्य वस्तु खरिदबाहेक अत्यावश्क नपरी बाहिर निस्कन पाइने छैन।

निषेधाज्ञामा अत्यावश्यकबाहेकका सवारी गुडाउन पनि पाइने छैन। निजी, सार्वजनिक र अनुमतिबिनाका सरकारी गाडी गुडाउन, मेला महोत्सव गर्न पनि पाइने छैन। 

यस्तै, निषेध आदेश भए पनि दैनिक उपभोग्य वस्तुको बिक्री तथा ढुवानी, सुरक्षा निकायका गाडी र सुरक्षाकर्मी हिँडडुल, फोहोरमैला संकलनार्थ सवारी सञ्चालन, औषधि खरिद बिक्री ढुवानीलगायतलाई भने रोक लगाइने छैन।