पर्सामा थप दुई कोरोना संक्रमितको मृत्यु

पर्सामा गएराति उपचारको क्रममा थप दुई कोरोना संक्रमितको ज्यान गएको छ। एक महिला र एक पुरूष गरी दुई जनाको ज्यान गएको हो।

नेपाल समय | बुधबार, वैशाख १५, २०७८

नेपाल समय

बुधबार, वैशाख १५, २०७८

वैशाख - पर्सामा गएराति उपचारको क्रममा थप दुई कोरोना संक्रमितको ज्यान गएको छ। एक महिला र एक पुरूष गरी दुई जनाको ज्यान गएको हो।

मृत्यु हुनेमा बाराको सुवर्ण गाउँपालिका-७ की ३० वर्षीया महिला र विसवरिया गाउँपालिका-४ धनगढका ४३ वर्षीय पुरूष रहेको नारायणी अस्पतालका कोभिड संयोजक डा. सरोज रोशन दासले बताए।

बाराको सुवर्ण गाउँपालिकाकी महिला १४ गते अस्पताल भर्ना भएकी थिइन्। विसवरिया गाउँपालिकाका पुरूष १३ गते नारायणी अस्पतालमा भर्ना भएका थिए।

दुवैको मृत्यु आरआरडीएस, सीवियर न्यूमोनियाले भएको चिकित्सक डा. दासले बताए।

योसहित बारामा ४ जना, सर्लाहीमा २ जना र पर्सामा १२ जनाको मृत्यु भइसकेको छ।

प्रकाशित: Apr 28, 2021| 04:49 बुधबार, वैशाख १५, २०७८