पूर्व राजारानीको स्वास्थ्य अवस्था सुधारोन्मुख

कोरोना भाइरस संक्रमण भएर उपचार गराइरहेका पूर्व राजा ज्ञानेन्द्र र पूर्व रानी कोमलको स्वास्थ्य अवस्था सुधारोन्मुख रहेको छ।

नेपाल समय | मंगलबार, वैशाख १४, २०७८

नेपाल समय

मंगलबार, वैशाख १४, २०७८

पूर्व राजारानीको स्वास्थ्य अवस्था सुधारोन्मुख

काठमाडौं– कोरोना भाइरस संक्रमण भएर उपचार गराइरहेका पूर्व राजा ज्ञानेन्द्र र पूर्व रानी कोमलको स्वास्थ्य अवस्था सुधारोन्मुख रहेको छ। संक्रमण भएपछि पूर्व राजा ज्ञानेन्द्र, पूर्व रानी कोमल पूर्वअधिराजकुमारी प्रेरणा शाह थापाथलीस्थित नर्भिक अस्पतालमा उपचार गराइरहेका छन्।

उपचारमा संलग्न डा. जेपी जयसवालले नेपाल समयसँग भने, ‘अहिले पनि म पूर्वराजारानीसँगै छु। उहाँहरूको अवस्था सुधारोन्मुख छ।' अक्सिजन लेभल केही घटेकाले अक्सिजन दिइरहेको उनले बताए।

उनले भने, ‘आईसीयू र भेन्टिलेटरमा राख्नुपर्ने अवस्था छैन। उहाँहरुको स्वास्थ्य अवस्था दैनिक सुधार देखिँदै आएको छ। तीनैजना खतरामुक्त हुनुहुन्छ।’

कोरोना संक्रमण पुष्टि भएपछि केही दिन होम आइसोलेसनमा बसेका पूर्वराजा, पूर्वरानी र पूर्वअधिराजकुमारी वैशाख १ गते नर्भिकमा भर्ना भएका थिए।

प्रकाशित: Apr 27, 2021| 12:18 मंगलबार, वैशाख १४, २०७८