सर्वोच्चद्वारा माधव नेपाल पक्षको मागबमोजिम आदेश दिन अस्वीकार

काठमाडौं- सर्वोच्च अदालतले नेकपा एमालेका वरिष्ठ नेता माधवकुमार नेपालसहितका नेताहरूको मागबमोजिम अन्तरिम आदेश दिन अस्वीकार गरेको छ।

माधव नेपालसहितका नेताहरूले दायर गरेको रिटमाथि सुनुवाइ गर्दै न्यायाधीश प्रकाश ढुंगानाको एकल इजलासले  स्पष्टीकरण सोधेको आधारमा अन्तरिम आदेश दिन नपर्ने उल्लेख गरिएको छ।

माधवकुमार नेपाल, सुरेन्द्र पाण्डे, घनश्याम भुसाल र भीम रावलले संयुक्त रूपमा १४ बुँदे मागसहितको सर्वोच्चमा रिट निवेदन दर्ता गरएका थिए। आफूहरूलाई पार्टीबाट निष्कासनको तयारी गरिएको भन्दै उनीहरूले फागुन २८ पछि पार्टी अध्यक्ष केपी शर्मा ओलीले गरेका सबै कारबाही खारेज गर्न माग गरेका थिए। 

आइतबार पनि ढुंगानाकै इजलासमा पेसी चढेको यो मुद्दा 'हेर्न नभ्याइने'मा परेको थियो। निवेदकहरूले निर्वाचन आयोग, अध्यक्ष ओली, सभामुख, महासचिव ईश्वर पोखरेललगायतलाई विपक्षी बनाएका छन्।