निरन्तर बढ्दो छ संक्रमण, थप १७ सय ३६ जनामा कोरोना 

काठमाडौं– विगत तीनदेखि कोरोना संक्रमणको दर तीव्र रुपमा बढिरहेको छ। 

स्वास्थ्य मन्त्रालयका अनुसार पछिल्लो २४ घण्टामा एक हजार ७३६ जनालाई संक्रमण पुष्टि भएको छ।

सोमबार  १२ सय ८१जनामा कोरोना संक्रमण भएको थियो भने आइतबार एक हजार ९६ जना संक्रमित थपिएका थिए। तीन दिनमा कोरोना संक्रमणबाट २८ जनाको मृत्यु भएको छ। 

स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा ८ हजार ५५ जनाको पीसीआर र ६८३ जनाको एन्टिजेन परीक्षण गर्दा एक हजार ७३६ जनालाई संक्रमण पुष्टि भएको हो। 

एक हजार ६६७ जनाको पीसीआर परीक्षणमा संक्रमण पुष्टि भएको हो भने ६९ जनाको एन्टिजेन पोजेटिभ देखिएको मन्त्रालयले जनाएको छ। 

हालसम्म कोरोना संक्रमितको कुल संख्या २ लाख ८७ हजार ५६७ पुगेको छ।  

त्यस्तै पछिल्लो २४ घण्टामा संक्रमणमुक्त हुनेको संख्या २५१ छ । हालसम्म २ लाख ७५ हजार ८०६ जना संक्रमित संक्रमणमुक्त भइसकेका छन्। हाल सक्रिय संक्रमितको संख्या ८ हजार ६५९ छ। 

पछिल्लो २४ घण्टामा ११ जना संक्रमितको मृत्यु भएसँगै मृत्यु हुनेको संख्या तीन हजार १०२ पुगेको छ।