स्थानीय तहको वित्तीय अनुशासन जोखिम मूल्यांकन गर्न कार्यविधि जारी

काठमाडौं– सरकारले स्थानीय तह वित्तीय अनुशासन जोखिम मूल्यांकन कार्यविधि जारी गरेको छ।

संघीय मामिला तथा सामान्य प्रशासन मन्त्रालयले स्थानीय सुशासन तथा जोखिम मूल्यांकन कार्यिविधि २०७७ कार्यान्वयनमा ल्याएको हो।

गाउँपालिका तथा नगरपालिकाहरुले वित्तीय सुशासन जोखिम मूल्यांकन गरी वित्तीय सुशासन अभिवृद्धि गर्नका लागि जारी गरिएको संघीय मामिला तथा सामान्य प्रशासन मन्त्रालयले जानकारी दिएको छ। मन्त्रालयका अनुसार उक्त कार्यविधि गत चैत ३१मा मन्त्रीस्तरबाट स्वीकृत भइसकेको छ।

सार्वजनिक स्रोत साधनको प्रयोगबाट लक्षित वर्गको जीवनस्तरमा परिणामुखी सकारात्मक परिवर्तन आउन नसक्ने सम्भावनाको जोखिमलाई जनाउने कार्यविधिमा उल्लेख गरिएको छ।

कार्यविधि अनुसार योजना, बजेट, तथा कार्यक्रम व्यवस्थापन, कार्यान्वयन क्षमता तथा व्यवस्थापन, लेखांकन तथा प्रतिवेदन, अनुगमन, मूल्यांकन तथा लेखापरिक्षण र राजश्व व्यवस्थापन लगायतका विषय क्षेत्रहरुको मूल्यांकन उक्त कार्यविधिको अधिनमा रही गर्न सकिने छ।

कार्यविधि अनुसार मूल्यांकन संघीय मामिला तथा सामान्य प्रशासन मन्त्रालयले जिल्ला समन्वय समितिमार्फत गर्न सक्ने उल्लेख गरिएको छ।