ओप्पोले पुरस्कार बाँड्यो

सेल्फी एक्स्पर्ट र लिडर ओप्पोले एआर-सेल्फी प्रतियोगीताका विजेतालाई पुरस्कार बाँडेको छ । कमलपोखरीको ग्राहक सेवा केन्द्रमा आयोजित एक कार्यक्रममा कम्पनीका प्रमुख कार्यकारी अधिकृत बबी ट्राओले पुरस्कार हस्तान्तरण गरेका हुन् । 

कम्पनीको आधिकारिक टिमले निहारिका शर्मा, सुमित्रा लामा र युमिसा लामालाई विजयी घोषित गरेको थियो । विजेतालाई कम्पनीका तर्फबाट आकर्षक पुरस्कार प्रदान गरिएको छ । 

२१ मेदेखि सात दिनसम्म कम्पनीले आयोजना गरेको सामाजिक सञ्जालको सिरिज अन्तर्गत यो प्रतियोगिता सञ्चालन गरिएको थियो । 

कम्पनीका अनुसार, भर्खरै सार्वजनिक गरिएको ओप्पो एफ सेभेन सिरिजमा उपलब्ध एआर स्टिकरको प्रचारका लागी क्याम्पेन चलाइएको हो । 

पुरस्कार वितरण कार्यक्रममा कम्पनीका कार्यकारी अधिकृत बबीले उल्लेख्य सहभागिताका लागि सबैलाई धन्यवाद दिए । 'हामी सबै विजेतालाई बधाईका साथै आउँदा दिनहरुमा अझै रोचक र बृहत क्याम्पेन नेपालमा गरिने बताए । 

यसैगरी कम्पनीले सहभागीलाई एआर स्टिकर प्रयोग गरिएको तीनका आकर्षक सेल्फी पोस्ट ह्यासट्याग ओप्पो एफ सेभेनसहित कमेन्ट सेक्सनमा पोष्ट गर्न अनुरोध गरेको थियो ।