पश्चिम नेपालमा हावाहुरीसहित असिना वर्षाको सम्भावना

काठमाडौं - देशको पश्चिमी भू–भागमा आज अपरान्हपछि मेघगर्जन, चट्याङ, हावाहुरी र असिनासहितको क्षणिक वर्षाको सम्भावना छ। 

मौसम पूर्वानुमान महाशाखाका अनुसार सुदूरपश्चिम, कर्णाली, लुम्बिनी र गण्डकी प्रदेशको मौसममा आंशिकदेखि सामान्य बदली रहने छ। 

महाशाखाले अपरान्हपछि देशको पश्चिमी भू–भागमा स्थानीय वायुका साथै पश्चिमी वायुको प्रभाव रहने जनाएको छ। 

यस्ताे छ तीन दिनको मौसमी पूर्वानुमान 

२०७८ वैशाख ७ गते (मंगलबार) 

दिउँसो: देशको सुदूरपश्चिम प्रदेश, कर्णाली,गण्डकी  तथा लुम्बिनी प्रदेशमा आंशिकदेखि सामान्य बदली रही बाँकी भू-भागमा आंशिक बदली रहने छ। देशको सुदूरपश्चिम तथा कर्णाली प्रदेशका थोरै स्थानहरू र बाँकी प्रदेशका पहाडी भू-भागका एक-दुई स्थानहरूमा अपरान्हपछि मेघगर्जन/चट्टयाङ्ग/हावाहुरी/असिना सहित क्षणिक वर्षाको सम्भावना रहेको छ ।

राति:  देशको सुदूरपश्चिम प्रदेश, कर्णाली तथा गण्डकी प्रदेशका भू-भागमा आंशिकदेखि सामान्य बदली रही बाँकी भू-भागमा मौसम सामान्यतया सफा रहने छ। देशको सुदूरपश्चिम तथा कर्णाली प्रदेशका थोरै स्थानहरू र बाँकी प्रदेशका पहाडी भू-भागका एक-दुई स्थानहरूमा अपरान्हतिर मेघगर्जन/चट्टयाङ्ग/हावाहुरी/असिनासहित क्षणिक वर्षाको सम्भावना रहेको छ।

२०७८ वैशाख ८ गते (बुधबार) 

दिउँसो: देशभर आ‌शिक देखि सामान्य बदली रही सुदुर पश्चिम प्रदेश, कर्णाली प्रदेशका धेरै र बाँकि प्रदेशहरुका केही स्थानहरुमा मेघगर्जन/चट्टयाङ्ग/हावाहुरी सहित क्षणिक वर्षाको सम्भावना रहेको छ ।देशका धेरै स्थानहरुमा तुवाँलोको सम्भावना छ।

राती:  देशभर आंशिकदेखि सामान्य बदली रही सुदूरपश्चिम प्रदेश, कर्णाली प्रदेशका धेरै र बाँकी प्रदेशहरूका केही स्थानहरूमा मेघगर्जन/चट्टयाङ्ग/हावाहुरीसहित क्षणिक वर्षाको सम्भावना रहेको छ।

२०७८ वैशाख ९ गते (बिहीबार) 

दिउँसो: देशभर आंशिकदेखि सामान्य बदली रही  केही स्थानहरूमा मेघगर्जन/चट्टयाङ्ग/हावाहुरीसहित क्षणिक वर्षाको सम्भावना रहेको छ। देशका थोरै स्थानहरूमा तुवाँलोको सम्भावना छ।

राति:  देशभर आंशिकदेखि सामान्य बदली रही पहाडी भू-भागका थोरै स्थानहरूमा मेघगर्जन/चट्टयाङ्ग/हावाहुरीसहित क्षणिक वर्षाको सम्भावना रहेको छ।