बुटवल– जनता समाजवादी पार्टी लुम्बिनी प्रदेश संसदीय दलका नेता सहसराम यादवले दलको निर्णय विपरीत मन्त्री भएका चार सांसदलाई कारबाही गर्ने बताएका छन्।
‘अविश्वास प्रस्तावमा हस्ताक्षर गरेर दलको बैठकको निर्णय अस्वीकार गर्नुभएको छ, यसको जवाफ दिन्छौं,’ उनले भने। उनीहरुलाई कस्तो कारवाही गर्ने भन्ने विषयमा छलफल भइरहेको उनले बताए।
मुख्यमन्त्री शंकर पोखरेलविरुद्ध अविश्वासको प्रस्तावमा हस्ताक्षर गरेका जसपाका चार सांसद मन्त्री नियुक्त भएका थिए। प्रधानमन्त्री केपी ओलीका विश्वासपात्र मानिएका लुम्बिनीका मुख्यमन्त्री पोखरेलले आफूविरुद्ध अविश्वासको प्रस्तावमा हस्ताक्षर गरेका जसपाका सन्तोष पाण्डे, विजयकुमार यादव, सुमन शर्मा रायमाझी र हस्ताक्षर नगरेकी कल्पना पाण्डे मन्त्री बनेका हुन्।
प्रकाशित: Apr 19, 2021| 12:16 सोमबार, वैशाख ६, २०७८
