बुटवल– लुम्बिनी प्रदेशका मुख्यमन्त्री शंकर पोखरेलले चार जना मन्त्री थपेका छन्।
पोखरेलले जनता समाजवादी पार्टीका सांसदहरु विजय यादव, सन्तोष पाण्डे, सुमन रायमाझी र कल्पना पाण्डेलाई मन्त्री बनाएका हुन्।
नवनियुक्त मन्त्रीहरुलाई प्रदेश प्रमुखले पद तथा गोपनियताको शपथ दिलाइसकेका छन्।
आज सरकारविरुद्ध अविश्वासको प्रस्ताव दर्ता भएलगत्तै मुख्यमन्त्री पोखरेलले मन्त्रीमण्डल पुनर्गठन गरेका हुन्। अविश्वास प्रस्तावमा ४१ जना सांसदको हस्ताक्षर छ।
अविश्वास प्रस्ताव दर्ता भएपछि माओवादीका दुई जना आज नै राजीनामा गरेका थिए। माओवादीका कुलबहादुर केसी र सुदर्शन बरालले मन्त्रीबाट राजीनामा दिएपछि मुख्यमन्त्रीले जसपाका चार सांसदलाई मन्त्री बनाएका हुन्।
मन्त्री हुने तीन जना सांसदले अविश्वास प्रस्तावमा समेत हस्ताक्षर गरेका छन्।
प्रकाशित: Apr 19, 2021| 11:05 सोमबार, वैशाख ६, २०७८
