काठमाडौं- त्रिभुवन अन्तर्राष्ट्रिय विमानस्थलबाट स्रोत नखुलेको २४ लाख ५० हजार रुपैयाँसहित एक जना पक्राउ परेका छन्।
आइतबार साँझ स्रोत नखुलेको २४ लाख ५० हजार रुपैयाँसहित मोरङ कानेपोखरी गाउँपालिका-७ का चुडामणि बस्नेतलाई पक्राउ गरिएको प्रहरीले जानकारी दिएको हो।
यति एयरलाइन्समार्फत् काठमाडौंबाट विराटनगर जान लागेका उनको झोला चेक गर्दा स्रोत नखुलेको नगद भेटिएको थियो।
घटनाबारे थप अध्ययन अनुसन्धान भइरहेको प्रहरीले जनाएको छ।
प्रकाशित: Apr 19, 2021| 09:05 सोमबार, वैशाख ६, २०७८
