काठमाडौं– अमेरिकी सहयोग अन्तर्गतको मिलेनियम च्यालेन्ज कर्पोरेसन (एमसीसी) सम्झाैता खारेज गर्न माग गर्दै विभिन्न राजनीतिक दलले सोमबार राजधानीमा प्रदर्शन गरेका छन्।
एमसीसी सम्झौता राष्ट्रहित विपरीत भएको भन्दै नेकपा (मसाल), नेकपा (क्रान्तिकारी माओवादी), नेपाल कम्युनिस्ट पार्टी लगायत २२ दलले प्रदर्शन गरेका हुन्। उनीहरूले यो सम्झौता संसद्बाट अनुमोदन नगर्न पनि चेतावनी दिएका छन्।
सरकार भने एमसीसी सम्झौता संसद्बाट अनुमोदन गर्ने पक्षमा छ।
प्रधानमन्त्री केपी शर्मा ओलीले केही दिनअघि राजधानीमा आयोजित एक कार्यक्रममा एससीसी अनुमोदन गराउन संघीय संसद्मा पेस नगरेको भन्दै सभामुखप्रति आक्रोश व्यक्त गरेका थिए।
यस्तै कानुनमन्त्री लीलानाथ श्रेष्ठले एमसीसी अनुमोदनका लागि प्रक्रिया अघि बढाइने बताएका थिए। तर संसद्को चालू अधिवेशन अन्त्य भएकाले एमसीसी अनुमोदनका लागि तत्काल प्रक्रिया अघि बढ्ने छैन।
याे पनि पढ्नुस्
प्रकाशित: Apr 19, 2021| 09:02 सोमबार, वैशाख ६, २०७८
