काठमाडौं - राष्ट्रपति विद्यादेवी भण्डारीले प्रतिनिधिसभाको चालु अधिवेशन अन्त्य गरेकी छन्। मन्त्रिपरिषद्को सिफारिसमा राष्ट्रपतिले सोमबार संविधानको धारा ९३ को उपधारा २ बमोजिम अधिवेशन अन्त्यको घोषणाका गरेकी हुन्।
'नेपालको संविधानको धारा ९३ को उपधारा २ बमोजिम नेपाल सरकार, मन्त्रिपरिष २०७८ वैशाख ६ को सिफारिसमा प्रतिनिधिसभाको चालू अधिवेशन संवत् २०७८ साल वैशाख ६ गते सोमबारका दिन अपरान्ह १ बजेदेखि अन्त्य गरेको छु,' राष्ट्रपति कार्यालयले जारि गरेको विज्ञप्तिमा भनिएको छ।
आज बिहान बसेको मन्त्रिपरिषद् बैठकले अधिवेशन अन्त्यको सिफारिस गरेको थियो।
पुष ५ मा ससद् विघटन भएपछि सर्वोच्चको फागुन ११ को आदेशले १३ दिन भित्र अधिवेशन बोलाउन गरेको परमादेश पछि सरकारको सिफारिसमा रास्ट्रपतिले फागुन २३ मा अधिवेशन आह्वान गरेकी थिइन्। हिउँदे अधिवेशन सुरु भएको ४४ दिनपछि अन्त्य गरिएको हो।
