काठमाडौं - प्रधानमन्त्री केपी शर्मा ओलीले मन्त्रिपरिषद्को आकस्मिक बैठक बोलाएका छन्। आज विहान ९ बजे बालुवाटारमा बस्ने गरी बैठक बोलाइएको प्रधानमन्त्रीका प्रेस सल्लाहकार सूर्य थापाले जानकारी दिए।
बैठकका लागि मन्त्रीहरू बालुवाटार पुग्न थालिसकेको उनले बताए। बैठकमा कोरोना संक्रमण रोकथामका साथै समसामयीक राजनीतिक विषयमा छलफल हुने बताइएको छ।
आजै दिउँसो ११ बजे ओलीले बालुवाटारमा नेकपा एमालेको महाधिवेशन आयोजक कमिटी बैठक डाकेका छन्। त्यसअघि बोलाइएको मन्त्रिपरिषद् बैठकलाई अर्थपूर्ण रुपमा हेरिएको छ।
प्रकाशित: Apr 19, 2021| 03:14 सोमबार, वैशाख ६, २०७८
