काठमाडौं - नेपाली कांग्रेसको भ्रातृ संगठन नेपाल विद्यार्थी संघले आज आफ्नो ५२ औं स्थापना दिवस मनाउँदै छ। आज दिउँसो १ बजे वाल्मीकि विद्यापिठको खुला चौरमा कार्यक्रम गरिने संघका अध्यक्ष राजीव ढुंगानाले जानकारी दिए।
‘कार्यक्रम राष्ट्रिय सभामा तय गरिएको थियो,’ उनले भने, ‘कोरोना जोखिमलाई मध्यनजर गर्दै वाल्मीकि विद्यापिठको खुला चौरमा सारिएको हो।’
२०२७ वैशाख ६ गते जेलभित्र नेविसंघको स्थापना भएको थियो। ‘प्रजातान्त्रिक युवा लिग’ गठन गरेर नेपाल विद्यार्थी संघको प्रारूप चित्र कोर्ने प्रयास भएको पाइन्छ।
त्यो सँगै देशभित्रका पनि विभिन्न क्याम्पसहरूमा सम्मेलन तयारी समिति गठन गरी २०२७ वैशाख ६, ७ र ८ गते अखिल नेपाल विद्यार्थी सम्मेलन गर्ने मिति तय गरिएको थियो। यसैबाट नेपाल विद्यार्थी संघको औपचारिक जन्म भएको थियो।
प्रकाशित: Apr 19, 2021| 02:48 सोमबार, वैशाख ६, २०७८
