काठमाडौं – गृहमन्त्री रामबहादुर थापाको राष्ट्रियसभा सदस्य पद गुमेको छ। थापा नेकपा माओवादी केन्द्रबाट राष्ट्रिय सभा सदस्य बनेका थिए। सांसद सदस्य नभएपछि उनकाे मन्त्री पद पनि गुमेकाे छ।
गृहमन्त्री थापा एमालेमा लागेपछि माओवादीले उनलाई कारबाही गरेको थियो। माओवादीले चैत २७ गते थापाले दलत्याग गरेको जानकारीसहितको पत्र संसद सचिवालयमा दर्ता गरेको थियो।
सो पत्रपछि राष्ट्रिय सभा अध्यक्षले थापाको राष्ट्रियसभा सदस्य पद रिक्त भएको निर्णय गरेका हुन्। संसद सचिवालयले आज थापाको पद रिक्त भएको सूचना प्रकाशित गरेको छ। थापा बागमती प्रदेशबाट राष्ट्रियसभा सदस्य बनेका थिए।
प्रकाशित: Apr 18, 2021| 05:07 आइतबार, वैशाख ५, २०७८
