काठमाडौं- पछिल्लो २४ घण्टामा नेपालमा झण्डै साढे ८ सय जनामा कोरोना संक्रमण पुष्टि भएको छ।
६ हजार ४ जनाको कोरोना परीक्षण गरिएकामा ८४३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ।
पछिल्लो २४ घण्टामा ७६८ जनाको पीसीआर परीक्षणबाट र ७५ जनाको एन्टिजेन परीक्षणबाट कोरोना पुष्टि भएको हो।
आज थपिएकासहित नेपालमा कोरोना संक्रमितको कुल संख्या २ लाख ८३ हजार ६५८ पुगेको छ।
हालसम्म २ लाख ७५ हजार ३८ जना संक्रमणमुक्त भएका छन्। जसमध्ये पछिल्लो २४ घण्टामा २२६ जना कोरोनामुक्त भएको मन्त्रालयको तथ्यांक छ।
हाल मुलुकभर सक्रिय संक्रमितको संख्या ५ हजार ५४५ छ।
पछिल्लो २४ घण्टामा कोरोना संक्रमणबाट ५ जनाको मृत्यु भएसँगै कुल मृतकको संख्या ३ हजार ७५ पुगेको छ।
प्रकाशित: Apr 17, 2021| 10:49 शनिबार, वैशाख ४, २०७८
