काठमाडौं- नेपाल कम्युनिस्ट पार्टी (माओवादी केन्द्र)का अध्यक्ष पुष्पकमल दाहाल 'प्रचण्ड'ले आफूहरू सरकार गठन पुनर्गठनको प्रक्रियामा रहेको बताएका छन्।
शैक्षिक अभियान तथा दोस्रो र तेस्रो प्रदेश परिषद् उद्घाटन कार्यक्रममा सम्बोधन गर्दै उनले सरकार पुनर्गठनको प्रक्रियामा रहेको बताएका हुन्।
प्रधानमन्त्री केपी शर्मा ओलीको सरकारको विकल्पमा नयाँ सरकार गठन गर्नुपर्ने उनले बताएका थिए। ‘हामी सरकार गठन, पुनर्गठनको ठूलो प्रक्रियाभित्र छौं,’ उनले भने।
ओली सरकारको अराजकता हटाउने प्रक्रियामा जानुपर्ने हतारोमा रहेको उनको भनाइ थियो। ‘केन्द्रको अन्योल र अराजकता अन्त्य गर्न लगातार पहल गरेका छौं,' उनले भनेका थिए।
प्रकाशित: Apr 17, 2021| 09:48 शनिबार, वैशाख ४, २०७८
